FIDE шахматда VAR тизимини жорий этиш масаласини кўриб чиқмоқда

ASTANA. Kazinform – Халқаро шахмат федерацияси (FIDE) ҳомийлик қиладиган мусобақаларда ҳакамнинг видео ёрдамчиси (VAR) тизимини жорий этишни режалаштирмоқда, дея хабар беради Kazinform.

Маълум қилинишича, янги idChess технологияси синовдан ўтказиладиган биринчи турнир Шахмат бўйича ёшлар ўртасидаги Ғарбий Осиё чемпионати - 2023 (Western Asia Youth Chess – 2023) бўлади.

FIDE маълумотларига кўра, VAR шахматда уч босқичда қўлланилади:

1) Рақибнинг ҳакамга ўйинчилардан бири тартибни бузганлиги ҳақидаги сўрови;

2) VAR кўриб чиқиш ва тавсиялар (агар idChess платформаси ёрдамида трансляция мавжуд бўлса, ҳакам мобиль иловада ўйин трансляциясини тўхтатиши ва VAR ёрдамида ўйинчиларнинг хатти-ҳаракатлари акс эттирилган ўйин видеосини кўриши мумкин);

3) Қарор қабул қилиш.