Фермерларни қўллаб-қувватлаш: Қозоғистонда кредитлар муддатини узайтириш учун 136,7 миллиард тенге маъқулланди

ASTANA. Kazinform – Қозоғистон Республикаси Қишлоқ хўжалиги вазирлигининг кенгайтирилган ҳайъати йиғилишида фермерларни давлат томонидан қўллаб-қувватлаш доирасида АКК тармоғи бўйича 52,6 миллард тенге маъқулланди, дея маълум қилди ҚР Қишлоқ хўжалиги вазирлиги матбуот хизмати.

Йиғилишда ўтган йил якунлари ва вазирликнинг 2024 йилга мўлжалланган режалари муҳокама қилинди. 2023 йил қишлоқ хўжалиги учун жуда оғир бўлганига қарамай, мамлакат деҳқонлари томонидан 17 миллион тонна ғалла, 2,2 миллион тонна мойли, 5 миллион тонна ем-хашак экинлари етиштирилди. Йиғилган маҳсулот ички бозорни тўлиқ таъминлаш учун етарли.

Давлат раҳбарининг топшириғига кўра, Ҳукумат томонидан об-ҳаво шароитидан жабр кўрган фермерларни қўллаб-қувватлаш бўйича қатор чора-тадбирлар амалга оширилди. 2023 йилда соҳани субсидиялаш учун жами 500 миллиард тенгега яқин маблағ йўналтирилди, шу жумладан, Ҳукумат захирасидан 60 миллиард тенге ўсимликчилик ва чорвачилик субсидиялари бўйича қарзларни тўлаш учун йўналтирилди.

Фермерлар “Байтерек” холдинги ва “Озиқ-овқат корпорацияси” молия институтлари орқали қарзларини пенясиз узайтиради. Бугунги кунда кечиктириш учун тасдиқланган аризаларнинг умумий миқдори “Аграр кредит корпорацияси” (АКК) ва “ҚазАгроФинанc” (КАФ) учун 52,6 миллиард тенге ва Озиқ-овқат корпорацияси учун 84,1 миллиард тенгени ташкил этади.

Шу тариқа, давлат захирасидан 31,3 минг тонна буғдойни адолатли нархда тўғридан-тўғри сотиб олиш учун 350 миллиард тенге ажратилди. Бу ғалла етиштиришга катта ёрдамдир.