Фаластин президентининг матбуот котиби Биньямин Нетаньяхунинг баёнотига жавоб қайтарди

ASTANA. KAZINFORM - Фаластин президенти матбуот котиби Набил Абу Радин пойтахти Шарқий Қуддус бўлган мустақил Фаластин давлати яратилмасдан туриб минтақада хавфсизлик ва барқарорлик бўлмаслигини айтди, деб хабар беради Kazinform агентлиги Аnadoluга таяниб.

Фаластиннинг расмий ахборот агентлиги WAFA хабарига кўра, Абу Радин Исроил бош вазири Биньямин Нетаньяху Фаластин давлати ташкил этилишига қарши чиққанидан кейин шундай баёнот берган.

- Пойтахти Шарқий Қуддус билан 1967 йил чегараларида мустақил Фаластин давлати тузилмагунча минтақада хавфсизлик ва барқарорлик бўлмайди. Бутун минтақа вулқон ёқасида. Нетаньяхунинг Фаластин давлатини яратишни рад этувчи баёнотлари бу ҳукумат бутун минтақани тубсизликка суриб қўйиш ниятида эканлигини тасдиқлайди, - деди матбуот котиби.