Европарламент депутатлари Туркия ва Суриядаги зилзила қурбонлари хотирасига бир дақиқалик сукут сақлашди

BRÚSSEL. Kazinform – Страсбургда (Франция) бўлиб ўтган Европа Иттифоқи қонун чиқарувчи органининг навбатдаги сессиясида Европарламент раиси Роберта Мецола ва бошқа депутатлар Туркия ва Сурияда содир бўлган даҳшатли зилзила қурбонларини бир дақиқалик сукут билан ёдга олдилар, деб хабар бермоқда Кazinform мухбири.

Европа Иттифоқининг фуқаролик ҳимояси механизми ишга туширилганини ва табий офат юз берган ҳудудга Европа Иттифоқи ёрдамлари юборилаётганини айтган Роберта Мецола: «Европа Туркия ва Сурия халқи билан бирга» деди.

«Бизнинг уй-хаёлимиз ҳалок бўлганларнинг оилалари, муҳтожлар, ярадорлар ва ҳаётни сақлаб қолиш учун туну-кун курашаётган барча қутқарувчилар билан бирга», дея қўшимча қилди у.

Европарламентнинг Страсбургда бўлиб ўтган жорий сессиясида Европарламент депутатлари инқирозга қарши кураш бўйича Европа комиссари Янез Ленарчичнинг ҳисоботини тинглади.

Европа комиссияси вакили ўтган ҳафта Туркиянинг Газиантеп шаҳридаги фалокат ҳудудига бориб қайтган эди.

«Ўлганлар сони ва биз ҳозир билган вайронагарчилик даражаси сўнгги пайтларда мисли кўрилмаган даражада», – деди Янез Ленарчич.

Шунингдек, жорий йилнинг март ойида Европа Иттифоқи зилзиладан зарар кўрган ҳудудларни тиклаш учун донорлар конференциясини ўтказиши режалаштирилган.

Очиқ манбалардан олинган фотосурат

Муаллиф: Арнур Рахимбеков