Европадаги иккита довул оқибатида 20 киши ҳалок бўлди

Атлантикадан Болқонгача бўлган «Киаран» ва «Домингос» Европанинг бир қанча давлатларида 20 кишининг ҳаётига зомин бўлди, деб хабар беради Kazinform агентлиги Еuronewsга таяниб.

Шаҳар кўчалари, қишлоқ хўжалиги ерлари дарёларга айланди. Йиқилган дарахтлар, шамол учириб кетган томлар, шикастланган электр узатиш линиялари - бу «Киаран» ва ундан кейин келган «Домингос» доқули оқибати.

Табиий офатдан энг кўп Италия жабр кўрди: Тоскана минтақасида етти киши ҳалок бўлди, бутун мамлакат бўйлаб икки киши бедарак йўқолган.

Охирги қурбон, 69 ёшли эркак Флоренция шимоли-ғарбида сув босган маккажўхори даласида топилган.

Пистоя провинциясида маъмурлар аҳолини биноларнинг юқори қаватларига кўчишга ундаш учун овоз кучайтиргичлардан фойдаланган, одамларга қум қоплари берилган.

Тоскана раҳбари Эуженио Жани якшанба куни етказилган зарарни бир неча юз миллион еврога баҳолади.

Европа бўйлаб икки довул камида 20 кишининг ҳаётига зомин бўлди.

Францияда, Ички ишлар вазирлиги маълумотларига кўра, қурбонлар сони уч кишига етган. Яна тўққиз киши оғир яраланган.

Якшанба куни Понт-Авен шаҳрида Enedis компанияси ходими вафот этгани маълум бўлди, у Франция жанубидан Бретанига электр таъминотини тиклашга ёрдам бериш учун юборилган. Дастлабки суриштирув натижаларига кўра, у шикастланган кабелларда ишлаётган вақтда электр токи урган.

Болгария шимоли-шарқидаги Шумен вилоятида икки киши ҳалок бўлди.

Ёмғир, момақалдироқ ва шиддатли шамол туфайли кўплаб аҳоли пунктлари электр энергиясиз қолди.

Хорватияда, Адриатик соҳилида, сув тошқини хавфи туфайли тўқ сариқ рангли огоҳлантириш эълон қилинди.