Урсула фон дер Ляйен сув тошқинидан жабр кўрган мамлакатларга 10 миллиард евро ажратишга ваъда берди

ASTANA. Kazinform - Европа Комиссияси президенти Урсула фон дер Ляйен “Борис” циклонидан жабр кўрган аъзо давлатларни қўллаб-қувватлаш учун 10 миллиард евро ажратишга рози бўлди. Бу ҳақда у Польшанинг Вроцлав шаҳрига ташрифи чоғида маълум қилди, дея хабар беради Kazinform агентлиги.

Марказий ва Шарқий Европада сўнгги кунларда “Борис” циклони туфайли кучли ёмғирлар сув тошқинларига олиб келди. Польшанинг энг йирик шаҳарларидан бири Вроцлав ҳам сув тошқинига дуч келди.

Польша, Чехия, Австрия ва Словакия ҳукумат раҳбарлари ушбу шаҳарда У.Ляйен билан учрашиб, Европа комиссиясининг ёрдамини муҳокама қилди.

Кейинроқ комиссия президенти қўшма матбуот анжуманида мамлакатлар тезда молиявий ёрдам олиши муҳимлигини айтди.

“Борис” циклони жами 24 кишининг ҳаётига зомин бўлди: Польшада 7 нафар, Руминияда 7 нафар, Австрияда 5 нафар ва Чехияда 5 киши.
ClimaMeter ташаббуси доирасида биргаликда ишлаётган тадқиқотчилар ўзларининг дастлабки таҳлилларида ўтган асрнинг иккинчи ярмидаги таққосланадиган эпизодларга қараганда 20 фоизга кўпроқ ёғингарчилик бўлганини ёзган.

Техноген иқлим ўзгариши туфайли бундай экстремал ёмғир ҳодисалари тобора кучайиб боряпти.

Буни об-ҳаво ўзгаришининг экстремал об-ҳаво ҳодисалари интенсивлиги ва эҳтимолига қандай таъсир қилишини ўрганиш учун об-ҳаво кузатувлари ва иқлим моделларидан фойдаланаётган World Weather Attribution (WWA) олимларининг тадқиқотлари тасдиқлайди. 

Хабар қилинишича, кучли ёмғир Марказий Европада кучли сув тошқинларига сабаб бўлган. 

Эслатиб ўтамиз, аввалроқ Европарламент Европадаги сув тошқинлари билан боғлиқ резолюцияни қабул қилгани ҳақида хабар берилган.