Европа Иттифоқи ва Қозоғистон ўртасида молиявий келишув имзоланди

None
Фото: t.me/Kzgovernment
ALMATY. Kazinform - Алмати шаҳрида бўлиб ўтаётган «Европа Иттифоқи – Марказий Осиё» иқтисодий форуми доирасида Қозоғистон Республикаси Ҳукумати ва Европа Иттифоқи ўртасида «Европа Иттифоқи – Қозоғистон ҳамкорлик механизми» молиявий битимини имзолаш маросими бўлиб ўтди, деб хабар беради Кazinform мухбири.

Ҳужжатни Қозоғистон Республикаси Ташқи ишлар вазири ўринбосари Роман Василенко ҳамда Европа Комиссиясининг (DG INTPA) Халқаро ҳамкорлик бўйича Бош директорлигининг Яқин Шарқ ва Осиё-Тинч океани минтақаси бўйича директори Петерис Устубс имзолади.

Маросимда Қозоғистон Республикаси Бош вазири Алихан Смаилов ва Еврокомиссия ижрочи вице-президенти Валдис Домбровскис иштирок этди.

Учрашувда Бош вазир жаноб Валдис Домбровскисга конструктив мулоқот учун миннатдорчилик билдирди.

«Биз савдо, ишлаб чиқариш ва яшил энергия соҳаларида қўшма лойиҳаларни амалга ошириш юзасидан фикр алмашдик. Халқаро транспорт йўналишларини ривожлантириш товарларни етказиб беришнинг глобал занжирини таъминлаш учун катта аҳамиятга эга. Биз Транскаспий халқаро транспорт йўналишини ривожлантириш чора-тадбирларини кўриб чиқдик. Ўтган йилнинг ноябр ойида биз ЕИ комиссияси президенти билан стратегик ҳамкорлик тўғрисида меморандум имзолаган эдик. Ушбу меморандум муҳим хомашё, батареялар ва барқарор яшил водород қиймат занжирларини ўз ичига олади. Бундан ташқари, Европа Иттифоқи барқарор иқтисодий ўсиш ва қонун устуворлигини таъминлаш учун 9 миллион евро ажратади», — деди Алихан Смаилов.

Европа комиссияси ижрочи вице-президенти Валдис Домбровскис Европа Иттифоқи ва Қозоғистон ўртасидаги ҳамкорлик жадал ривожланаётганини таъкидлади.

«Бизда икки томонлама ҳамкорлик мавжуд ва у жадал ривожланмоқда. Қозоғистон стратегик ҳамкордир. Биз янада яқинроқ ҳамкорлик қилмоқчимиз, бу иқтисодиётга ҳам, савдога ҳам тегишли. Биз иқтисодий алоқаларнинг жуда кенг ривожланишини, хомашё ва турли ўзаро алоқаларга оид масалалар янада кенгроқ кўламини кўрмоқдамиз. Энди Европа Иттифоқи ва Қозоғистон ўртасида икки томонлама келишувларга эришилди. Биз Европа Иттифоқи ва Қозоғистон Республикаси Ҳукумати ўртасида молиявий келишув имзолаймиз. Бу атмосферага карбонат ангидрид чиқиндилари даражасини пасайтиради, шунингдек, инсон ҳуқуқлари, комиссиямизнинг турли стандартларига эришилади. Бизда Европа Иттифоқи ва Қозоғистон ўртасида барқарор хомашё, аккумуляторлар ва яшил водород қиймат занжирлари соҳасида стратегик шериклик бўйича йўл харитаси мавжуд. Бу 2023-2024 йилларга мўлжалланган аниқ «Йўл харитаси»дир», - деди у.

Ҳужжатларни имзолагандан сўнг Қозоғистон Республикаси Бош вазири Алихан Смаилов ва Еврокомиссия Ижрочи вице-президенти Валдис Домбровскис барқарор хомашё, аккумуляторлар ва яшил водород қиймат занжирларига оид 2023-2024 йилларга мўлжалланган Европа Иттифоқи-Қозоғистон стратегик ҳамкорлиги бўйича «Йўл харитаси»ни алмашдилар.

Сўнгги хабарлар
telegram