Европа Иттифоқи ноёб металларни қазиб олишни кенгайтиради
BRUSSELS. Kazinform - Европа Иттифоқи Хитойга қарамликни камайтириш ва келгуси ўн йилликнинг бошига қадар ноёб металлар билан ўзини-ўзи таъминлаш даражасига эришиш ниятида, деб хабар беради Кazinform агентлиги мухбири.
Сешанба куни Европа пойтахтида Европа Иттифоқи доирасида муҳим материалларни қазиб олиш бўйича 47 лойиҳа тақдимоти бўлиб ўтди.
Европа комиссари Стефан Сежурне таъкидлаганидек, Европа Иттифоқининг 13 мамлакатида хомашёни қазиб олиш, қайта ишлаш ва иккиламчи фойдаланиш бўйича 47 та стратегик лойиҳа ишлаб чиқилмоқда. 14 турдаги стратегик хомашёни қазиб олиш ва бутун Европа бўйлаб хомашёдан фойдаланиш имкониятини кенгайтириш режалаштирилган.
Эслатиб ўтамиз, аввалроқ Қозоғистондаги ноёб металларга қайси давлатлар қизиқиш билдираётганлиги ҳақида хабар берган эдик.
Муаллиф: Арнур Раҳимбеков
