Европа Иттифоқи маймун чечаги вакцинасини сотиб олади

NUR-SULTAN. Кazinform - Европада аллақачон ушбу касалликка чалинган 900 та ҳолат қайд этилган, дея хабар беради Кazinform Euronews.cоmга таяниб.

Сешанба куни Европа Иттифоқи соғлиқни сақлаш вазирларининг йиғилишида Соғлиқни сақлаш ва истеъмолчилар ҳуқуқлари бўйича комиссари Стелла Кириакидес бутун Европа Иттифоқини янги таҳдиддан ҳимоя қилиш учун умумий чораларни эълон қилди.

«Мен 110 000 га яқин маймун чечагига қарши вакцинани сотиб олиш бўйича шартнома имзолайман», деди Стелла Кириакидес. - Аъзо мамлакатларга биринчи етказиб бериш июн ойининг охирида бошланади«.

Брюссель Даниянинг Bavarian Nordic биотехнология компанияси билан шартнома имзолади. 109,090 доза Европа Иттифоқи маблағлари билан сотиб олинади ва хавф остида бўлган ёки инфекция юқтирган тақдирда энг кўп зарар кўрган одамларни эмлашни хоҳлайдиган миллий ҳукуматларга берилади.

Аввалроқ ЖССТ маймун чечаги хавфини баҳолаш учун фавқулодда қўмитани чақираётгани хабар қилинганди.

Фото: ©REYTERS