Европа Иттифоқи етакчилари Украинанинг Европа Иттифоқига қўшилиш ташаббусини қўллаб-қувватлади

NUR-SULTAN. Kazinform – Европа Иттифоқининг амалдаги президенти Франция пойтахти чеккасида Версалда Европа Иттифоқи саммитини ўтказди. Унга аъзо давлатлар раҳбарлари ва Брюссел вакиллари Киевни қўллаб-қувватлаш ва Москвага қарши санкциялар қўллаш масаласини муҳокама қилди, дея хабар беради Kazinform euronewsга таяниб.

Кун тартибидаги масалалардан бири Украинанинг Европа Иттифоқига аъзо бўлиш бўйича шошилинч таклифидир. Бу ғоя шарқий аъзо давлатлар томонидан қўллаб-қувватланади, бироқ бошқа кўплаб мамлакатлар процедура узоқ вақт талаб қилишини даъво қилмоқда. Йиллар давомида бир қанча давлатлар навбатда туришибди ва улар аъзолик мезонларини қондириш учун кўп ишларни амалга оширди.

«Голландия ва Украина елкама-елка туришига ҳеч ким шубҳа қилмасин. Аммо ташкилотга аъзоликни тезлаштириш тушунчаси йўқ», - деди Нидерландия бош вазири Марк Рютте. Муҳокама қилинадиган яна бир мавзу - блокнинг Россия энергия манбаларига қарамлигидан қандай қутулиш. Йил охиригача унинг харидларини учдан иккига қисқартириш таклиф қилинмоқда. Раҳбарлар аста-секин бошқа етказиб берувчиларга ёки бошқа манбаларга ўтиш зарурлиги ҳақида келишиб олдилар.