Европа Иттифоқи Эроннинг Исроилга ҳужумини қоралади
ASTANA. Кazinform - Европа Иттифоқининг Ташқи ишлар ва хавфсизлик сиёсати бўйича Олий вакили Жозеп Боррель Яқин Шарқдаги вазият юзасидан қисқача баёнот берди.
“Европа Иттифоқи Эроннинг Исроилга ҳужумини кескин қоралайди. Бу мисли кўрилмаган кескинлик ва минтақавий хавфсизликка жиддий таҳдиддир”, - деб ёзди Европа дипломатияси раҳбари Х тармоғида.
Европа Кенгаши раҳбари Шарль Мишель ҳам Эроннинг Исроилга ҳужумини кескин қоралади.
“Минтақавий кескинликнинг янада кучайишига йўл қўймаслик учун ҳамма нарсани қилиш керак. Яна қон тўкилишига йўл қўймаслигимиз лозим. Биз ҳамкасбларимиз билан биргаликда вазиятни диққат билан кузатишда давом этамиз”, — деди Ш.Мишель.
Эслатиб ўтамиз, аввалроқ Эрон Исроил томон учувчисиз учиш аппаратларини учириб, Теҳрон устидаги ҳаво ҳудудини ёпган эди.
Эрон 1 апрель куни Дамашқдаги Эрон консуллигига уюштирилган ҳаво ҳужумида Эрон Ислом инқилоби қўриқчилари корпусининг бир неча қўмондони, жумладан икки генерал ҳалок бўлганига қарши жавоб қайтаришга ваъда берди.
