Европа дипломатияси раҳбари Қуръоннинг ёқиб юборилишини қоралади
Европа ташқи ҳаракатлар хизмати баёнотида айтилишича, Европада шахсларнинг кўплаб мусулмонларни хафа қилган сўнгги ҳаракатларидан сўнг, ЕИ диний нафрат ва муросасизликни қўзғатувчи ҳар қандай ҳаракатга кескин қарши эканлигини яна бир бор тасдиқлайди.
«Хилма-хилликни ҳурмат қилиш Европа Иттифоқининг асосий қадриятидир. Бу бошқа диний жамоаларга ҳурматни ҳам ўз ичига олади», — дейилади баёнотда.
Европа дипломатияси раҳбари Ж.Боррель Қуръон ёки бошқа муқаддас деб ҳисобланган китобни таҳқирлаш ҳақорат, ҳурматсизлик ва аниқ провокация эканлигини таъкидлади.
Хабар берилганидек, Копенгагенда Ироқнинг Даниядаги элчихонаси биноси олдида Қуръон нусхасини ёқиш бўйича акция ўтказилди.
Бирлашган Миллатлар Ташкилоти Бош Ассамблеяси муқаддас китобларни камситувчи ҳар қандай хатти-ҳаракатларни қоралаб, бундай хатти-ҳаракатларни халқаро ҳуқуқнинг бузилиши деб тан олган резолюцияни қабул қилди.
Қозоғистон Президенти Қасим-Жомарт Тоқаев Шимолий Европанинг бир қатор давлатларида Қуръонни ёқиш ҳаракатларини замонавий дунёда кескинликни кучайтириш, халқлар ва давлатлар ўртасидаги ишончга путур етказишга қаратилган номақбул провокация деб ҳисоблайди.
Муаллиф: Арнур Раҳимбеков
