Евроосиё маҳсулотларининг ташқи бозорга чиқиши учун шароит яратиш керак – ҚР Президенти
ASTANA. Kazinform – Давлат раҳбари яна бир асосий вазифа сифатида “ташқи савдони реконструкция қилиш”ни қайд этди.
“Ассоциациямизнинг жаҳон бозоридаги мавқеини мустаҳкамлаш учун кенг имкониятлар мавжудлиги аниқ. Евроосиё иқтисодий комиссиясига Иттифоқнинг ташқи муҳитдаги салоҳиятини мустаҳкамлаш бўйича тизимли ечимлар ишлаб чиқиш вазифасини юклашни тавсия қиламан. Евроосиё маҳсулотларини ташқи бозорга янада фаол олиб чиқиш учун тегишли шарт-шароитлар яратиш зарур. Учинчи мамлакатларга юкларни муаммосиз ташишни таъминлаш жуда муҳимдир. Жаҳон иқтисодиётининг трансформацияси доирасида Евроосиё иқтисодий иттифоқининг учинчи давлатлар билан эркин савдо шартномалари тармоғини кенгайтириш муҳим аҳамиятга эга. Бу экспортчиларимизга янги бозорларга чиқиш, уларни минтақавий ва жаҳон ишлаб чиқариш занжирларига улаш имконини беради”, – деди Қасим-Жомарт Тоқаев.
Давлат раҳбарининг сўзларига кўра, Қозоғистон Мўғулистон билан вақтинчалик савдо шартномасини тузиш бўйича музокараларни бошлаш қарорини қўллаб-қувватлайди. Бундан ташқари, Осиё, Африка ва Яқин Шарқнинг жадал ривожланаётган давлатлари билан ҳамкорлик қилиш учун катта истиқболлар мавжуд.
“Ҳозирги кунда жаҳон ялпи ички маҳсулотининг 60 фоиз ўсиши фақат Осиёга тегишли бўлиши прогнозини инобатга олсак, Глобал Жануб билан ҳамкорлик алоҳида қизиқиш уйғотади. Қозоғистон каби Форс кўрфази бозорига кириш учун биз Иқтисодий иттифоққа аъзо давлатларни Халқаро транспорт коридорини яратиш бўйича Ашхобод келишувига қўшилишга таклиф қиламиз”, – деди Қасим-Жомарт Тоқаев.
