Еврокомиссия автомобиллар учун Евро-7 стандартини жорий этишни таклиф қилди
Европа Яшил келишуви доирасида ўз таклифини тақдим этар экан, Европа Комиссияси автомобил транспорти шаҳарлар ҳавосини ифлослантирувчи энг катта манба эканлигини таъкидлади.
«Янги Eвро 7 стандартлари фуқароларимиз саломатлиги ва атроф-муҳитни ҳимоя қилган ҳолда йўлларимиздаги тоза транспорт воситаларини таъминлайди ва ҳаво сифатини яхшилайди», - дея таъкидлади Европа Иттифоқи ижроия органи.
Евро 7 стандартлари ва CО2 эмиссия стандартлари биргаликда фуқаролар учун ҳаво сифатини таъминлаши керак. Бундан ташқари, Еврокомиссия йўлларда электр транспорт воситаларининг кўпайиши ҳам атроф-муҳит учун маълум имтиёзлар яратишини таъкидлади.
«Ушбу иккита рақамли қоидалар тўплами автомобил таъминот занжирига ифлослантирувчи моддалар эмиссиясини камайтириш учун аниқ йўналиш беради.
Евро-7 стандарти 2035 йилга келиб транспорт воситаларидан азот оксидларининг умумий эмиссиясини сезиларли даражада камайтиради: енгил автомобиллар учун Евро-6га нисбатан 35% га; Евро-6 га нисбатан автобуслар ва юк машиналари учун 56% га.
Евро-7 нинг яна бир янгиликларидан бири нафақат эгзоз трубкасидан чиқадиган чиқиндиларга, балки тормоз ва шиналар, шу жумладан электр транспорт воситаларининг қаттиқ зарралари билан атроф-муҳитни ифлосланишига ҳам чекловлар ўрнатиш бўлади.
Италиянинг La Repubblica газетасининг ёзишича, қоидалар автомобиллар нархини 90 дан 150 еврога, юк машинасини эса 2700 еврогача ошириши мумкин.
Нашрнинг ёзишича, Евро 7 ни 2025 йил июлидан енгил автомобиллар учун, 2027 йилдан эса йирик фургонлар, юк машиналари ва автобуслар учун жорий этиш режалаштирилган.
Бироқ Европа Комиссиясининг таклифи Европа Иттифоқига аъзо давлатлар томонидан қўллаб-қувватланиши ва Европа парламенти томонидан маъқулланиши керак.
Фото: i.iheart.com
Муаллиф: Арнур Раҳимбеков
