EURO 2024: 1/8 финалда ўйнайдиган жамоалар маълум бўлди

ASTANA. Кazinform - Европа чемпионатининг плей-офф босқичига чиққан ва 1/8 финалда тўқнаш келадиган жамоалар номи маълум бўлди.

Гуруҳ босқичининг икки ҳал қилувчи ўйинида Грузия терма жамоаси Португалияни 2:0, Туркия терма жамоаси эса Чехияни 2:1 ҳисобида мағлуб этди. Шу тариқа Грузия, Португалия ва Туркия терма жамоалари сўнгги йўлланмаларни эгаллади.

Жамоалар плей-оффгача 36 та ўйин ўтказдилар. 10 бор майдон эгалари ғалаба қозонган бўлса, 12 учрашувда меҳмонлар ғалаба қозонган. 14 учрашувда дуранг қайд этилган.

Гуруҳ босқичида жами 81 та гол киритилди. Ҳар бир ўйинда ўртача ҳисоб 2,25 голни ташкил этди.

16 та пенальти белгиланди, шундан 13 таси голга айланди. Ҳакамлар футболчиларга жами 231 та сариқ ва 5 та қизил карточка кўрсатишди.

Гуруҳ босқичида 3 та гол урган (2 таси пенальтидан) Жорж Микаутадзе (Грузия) энг яхши ҳужумчилар орасида етакчилик қилмоқда. Никлас Фюллкруг, Жамол Мусиала (иккаласи ҳам Германиядан), Иван Шранц (Словакия), Годи Гакпо (Нидерландия), Разван Марин (Руминия) иккитадан гол уришди.

Германиядаги чемпионатда плей-офф босқичича 7 та автогол қайд этилди.

EURO 2024. 1/8 финалда иштирок этадиган жамоалар:

Испания – Грузия

Германия - Дания

Португалия - Словения

Франция - Бельгия

Руминия - Нидерландия

Швейцария – Италия

Австрия - Туркия

Англия - Словакия.

Эслатиб ўтамиз, ўзаро баҳснинг ушбу босқичидаги ўйинлар 29 июндан 2 июлгача бўлиб ўтади.