Етти йил ичида илк бор Европа лигасининг ярим финали Англия клубларисиз ўтказилади
Испанияда «Севилья»дан 3:0 ҳисобида мағлуб бўлган «Манчестер Юнайтед» тимсолида Европа лигаси фаворитларидан бирининг кетиши асосий сенсация бўлди. 7 йил ичида илк бор Европа Лигасининг ярим финали Англия клубларисиз ўтказилади.
Иккинчи жуфтликда ҳам мағлубиятсиз бўлмади: биринчи ўйинда «Фейеноорд»га 0:1 ҳисобида имкониятни бой берган Италиянинг «Рома»си ўз майдонида 4:1 ҳисобида ишончли реванш олди. «Ювентус» Лиссабоннинг «Спортинг» жамоасидан устун келган бўлса, «Байер» Бельгиянинг «Юнион» клуби устидан йирик 4:1 ҳисобида ғалаба қозонди.
Турнирнинг ярим финалида «Севилья» ва «Ювентус», шунингдек, «Рома» ва «Байер» ўйнайди.
Конференция лигасининг ярим финалида Нидерландиянинг «Аз Алкмаар»и «Вест Хэм» билан тўқнаш келади, «Базель» эса муносиб натижа қайд этган «Фиорентина»ни тўхтатишга уриниб кўради.
Ҳар икки турнирда биринчи ўйинлар 11 май куни, жавоб баҳслари эса 18 май куни бўлиб ўтади.
Фото: elespanol.com
Муаллиф: Азамат Сиздиқбаев
