Ёшлар ўртасидаги Осиё чемпионатида Қозоғистоннинг уч боксчиси кумуш медалга эга бўлди

ASTANA. Kazinform - Бангкокда (Таиланд) бугун 22 ёшгача бўлганлар ўртасидаги 2023 йилги Осиё чемпионати финал жанглари бўлиб ўтмоқда, деб хабар беради Kazinform Sports.kz порталига таяниб.

67 килограммгача бўлган вазн тоифасида Қозоғистон вакили Абзал Серикнинг ҳал қилувчи баҳсдаги рақиби ўзбекистонлик спортчи Беҳзод Ҳамидов бўлди. Ҳакамларнинг қарорига кўра ғолиб ва ​​«олтин» соҳиби Ҳамидов бўлиб, Қозоғистон вакили «кумуш»га сазовор бўлди.

71 килограмм вазн тоифасидаги ҳал қилувчи баҳсда Сабиржан Аққалиқов ўзбекистонлик спортчи Нурислом Исмоиловга қарши рингга чиқди. Жангда нокдаунга учрашига қарамай, Исмоилов ҳакамлар қарорига кўра ғалаба қозонди. Аққалиқов ўз навбатида чемпионатни кумуш медал билан якунлади.

75 килограмгача бўлган вазн тоифасида Осиё чемпионати финалида қозоғистонлик Диас Молжигитов ўзбекистонлик Алохон Абдуллаев билан учрашди. Бу сафар ҳам омад Ўзбекистон жамоаси томонида бўлди.