Эртага Туркистон вилоятида ҳаво ҳарорати 45 даражагача кўтарилади

TÚRKİSTAN. Кazinform – Туркистон вилоятида ҳаво ҳарорати 45 даражагача кўтарилади, деб хабар беради Кazinform мухбири.

«Қазгидромет» маълумотига кўра, яқин уч кун давомида ҳудудда ёмғир ёғмайди ва иссиқ бўлади.

Вилоятнинг аксарият ҳудудларида ҳаво ҳарорати 37-42 даражани ташкил этади.

Вилоят ғарбидаги чўл ҳудудларида ҳаво ҳарорати 45 даражагача кўтарилиши кутилмоқда.

«12 июлда Туркистонда ҳаво 40-42, 13 июлда эса 45 даража иссиқ бўлади. Чимкентда ҳаво ҳарорати 12 июлда 37-39, 13 июлда эса 40-42 даражагача кўтарилади. Яқин кунларда ёғингарчилик кузатилмайди, шу сабабли минтақада кучли ёнғин хавфи мавжуд. Вилоятнинг тоғли ҳудудларида шамол тезлиги секундига 15-20 метргача кучаяди», - дейилади хабарда.

Муаллиф: Қайрат Зайнишев