Эрондан Ақтауга келаётган сайёҳлар сони ортиб бормоқда
АQTAU. Кazinform — Эрон пойтахтидан Ақтауга чартер рейсда сайёҳларнинг яна бир гуруҳи етиб келди.
Наврўз бошидан буён ҳудуднинг машҳур жойларини зиёрат қилишни истаган эронликларнинг учинчи тўлқини Ақтауга қадам қўйди. Ўтган йили сайёҳлик мавсуми очилганда Эрон Ислом Республикасидан Манғистауга сайёҳлар оқими кузгача давом этди.
Йил бошидан буён Ақтауга жами 14 мингга яқин хорижлик сайёҳ ташриф буюрди. Эронлик саёҳатчилар 10 кун ичида ҳудуднинг бир нечта жойларини зиёрат қилиш ниятида. Ақтау шаҳар тадбиркорлик ва қишлоқ хўжалиги бошқармаси бошлиғи ўринбосари Оспан Нисаннинг айтишича, Ақтауга сайёҳларнинг асосий қисми хориждан келади.
“Ақтау шаҳрининг туризм салоҳиятини ошириш борасида қатор ишлар амалга оширилмоқда. 112 нафар йўловчи чартер рейс билан Теҳрондан Ақтауга учиб келди. Сайёҳларнинг аксарияти Эрондан, шунингдек, Италия, Россия ва Франциядан қизиқиш билдирмоқда”, — деди Оспан Нисан.
Бунгача Наврўз байрами арафасида Ақтауга сайёҳлар Теҳрондан чартер рейс билан келган эди. Шу билан бирга, хориждан келаётганлар вилоятда туризмни ривожлантиришга ҳисса қўшиши айтилди.
