Эронда портлашлар содир бўлди
ASTANA. Kazinform – Эрон ОАВлари хабар беришича, Эроннинг Исфаҳон шаҳридаги аэропорт яқинида портлашлар содир бўлди, деб хабар беради Kazinform агентлиги BBCга таяниб.
“Манбаларнинг айтишича, Исфахон провинциясида кучли портлаш овозлари эшитилган”, — дея хабар берди давлат телевидениеси.
FARS агентлиги маълумотларига кўра, портлашлар халқаро аэропорт ва ҳаво кучлари базаси жойлашган Каҳяверистон шаҳрида содир бўлган.
Маҳаллий ОАВ маълумотларига кўра, жами учта портлаш рўй берган.
FARSнинг аниқлик киритишича, эҳтимолий нишонлардан бири ҳарбий радар бўлган ва портлашлар натижасида бир нечта офис биноларининг ойналари ҳам синган.
Теҳрон ва бошқа шаҳарлар устидан парвозлар тўхтатилгани хабар қилинмоқда.
Mehr агентлигининг аниқлик киритишича, Теҳрон, Исфахон ва Шерозга, шунингдек, мамлакат ғарби, шимоли-ғарби ва жануби-ғарбидаги аэропортларга парвозлар тўхтатилган.
CNN ҳам аввалроқ Эрон ҳаво ҳудудида бўлган саккизта самолёт ўз йўналишидан четга чиққани ҳақида хабар берган эди.
Ҳаво мудофаа тизимлари Эроннинг бир қанча ҳудудларида ишлайди.
“Эроннинг ҳаво ҳужумидан мудофаа тизими мамлакатнинг бир қанча провинциялари осмонида фаоллашди”, — дейилади IRNA ахборот агентлиги хабарида.
Америка расмийларининг CBS News телеканалига айтишича, Исроил Эрон томон ракета учирди. Бу ҳақда ABC News хабар берди.
Ўтган ҳафта охирида Эрон Исроил шаҳарларига юзлаб ракета ва дронларни отганидан кейин Исроил ўч олиш ниятида экани ҳақида огоҳлантирди.
