Ереванда Қозоғистон ва Арманистоннинг ишбилармон гуруҳлари қатор келишувларни имзолади
ЕREVAN. Кazinform - Еревандаги Қозоғистон ва Арманистон бизнес-форуми доирасида икки томонлама иқтисодий муносабатларга янги суръат бағишловчи ҳужжатлар имзоланди.
Имзоланган ҳужжатлар орасида Қозоғистон Ташқи савдо палатаси ва Арманистон Савдо-саноат палатаси, давлат тузилмалари ва бизнес субъектлари ўртасида туризм, сармоя, савдо соҳасидаги меморандумлар бор. Бундан ташқари, Қозоғистон ва Арманистон нефть-газ ва нефть-кимё компаниялари ўртасида бир қатор ишлаб чиқариш ва изоляциялаш шартномалари имзоланди.
Ереванда Қозоғистон Республикаси Савдо ва интеграция вазири Арман Шаққалиев ва Озарбайжон Республикаси Иқтисодиёт вазири Геворг Папоян иштирокида Қозоғистон-Арманистон бизнес-форуми бўлиб ўтди. Форумда мамлакатлар ўртасида савдо-иқтисодий алоқалар, туризм, логистика ва ишлаб чиқариш соҳаларида ҳамкорликни чуқурлаштириш масалалари муҳокама қилинди.
Имзоланган ҳужжатлар рўйхати:
- Қозоғистон Ташқи савдо палатаси ва Арманистон Савдо-саноат палатаси ўртасида ўзаро англашув меморандуми.
- «Қазақ инвест» АЖ ва Арманистон Инвестицияларни рағбатлантириш агентлиги ўртасида ўзаро англашув меморандуми.
- «Kazakh Tourism» миллий компанияси” АЖ ва Арманистон туризм федерацияси ўртасида ўзаро англашув меморандуми.
- «AirGas-Eurasia» МЧЖ ва «RSV GROUP» масъулияти чекланган жамияти ўртасида 4 турдаги композит баллонларни ишлаб чиқариш бўйича шартнома.
- «AirGas-Eurasia» МЧЖ ва "ГАЗАРТ" масъулияти чекланган жамияти ўртасида модулли ишлаб чиқаришни изоляция қилиш тўғрисидаги шартнома.
- «Legal Consulting Community Limited» МЧЖ ва “Логовит” юридик фирмаси ўртасида ҳамкорлик шартномаси.