Ерда магнит бўрони кузатилиши мумкин
ASTANA. Kazinform — Қуёшдаги коронал тешиги туфайли 29-30 октябрь кунлари Ерда геомагнит аномалияларнинг янги тўлқини пайдо бўлиши мумкин. Бироқ ҳозирча магнит бўронлари юзага келиш эҳтимоли паст деб баҳоланмоқда, деб хабар беради БЕЛТА.
Бу ҳақда Россия Фанлар академиясининг Космик тадқиқотлар институти ҳамда Сибирь бўлими Қуёш-Ер физикаси институти ҳузуридаги Қуёш астрономияси лабораторияси маълум қилди.
“Ҳисоб-китобларга кўра, 28 октябрь, чоршанба кунидан бошлаб Ер навбатдаги коронал тешик таъсир доирасига киради. Шу муносабат билан пайшанба ва жума кунлари геомагнит ўзгаришларнинг янги тўлқини кутилмоқда. Бироқ ҳозирча магнит бўрони даражасига етиш эҳтимоли паст деб баҳоланмоқда”, — дейилади хабарда.
Мутахассисларнинг ҳисоб-китобларига кўра, Қуёш шамолининг тезлиги сониясига 600 километргача етиши мумкин. Бу одатий кўрсаткичдан тахминан 50 фоизга юқори. Бироқ бундай тезлик, одатда, хавфли, яъни қизил ҳудудга ўтиш учун етарли эмас.
