Ербол Мирзабосинов ҚР Туризм ва спорт вазири этиб тайинланди
ASTANА. Kazinform — Давлат раҳбарининг Фармони билан Ербол Қуантайули Мирзабосинов Қозоғистон Республикаси Туризм ва спорт вазири этиб тайинланди.
Эслатиб ўтамиз, шу йилнинг февраль ойидан буён ушбу лавозимда ишлаб келаётган Ермек Маржиқпаев 31 август куни лавозимидан озод этилган эди.
Ербол Мирзабосинов 1984 йилда Шарқий Қозоғистон вилоятида туғилган.
Семей давлат педагогика институтини, Қозоғистон гуманитар-ҳуқуқий инновация университетини, Қозоғистон спорт ва туризм академиясини тамомлаган.
Меҳнат фаолиятини 2005 йилда Семей давлат педагогика институти “Жисмоний тарбия, спорт назарияси ва методикаси” кафедраси ассистенти, мураббий-ўқитувчиси лавозимларида бошлаган.
2023 йил февраль ойида Маданият ва спорт вазирлигининг Спорт ва жисмоний тарбия қўмитаси раиси этиб тайинланган.
