“Ер соати” акцияси Астанадаги савдо-кўнгилочар марказлар, спорт мажмуалари ва тадбиркорлик субъектлари томонидан қўллаб-қувватланади
ASTANA. Kazinform – 23 март куни бўлиб ўтадиган “Ер соати” тадбирида пойтахтдаги савдо-кўнгилочар марказлар, спорт мажмуалари, тадбиркорлик субъектлари иштирок этади. Астанада ҳар йили халқаро экологик кампания қўллаб-қувватланади, дея хабар беради Кazinform агентлиги шаҳар ҳокимлиги расмий сайтига таяниб.
Шаҳар атроф-муҳитни муҳофаза қилиш ва табиий ресурслардан фойдаланиш бошқармаси хабар беришича, “Ер соати” акцияси 23 март куни соат 20:30 дан 21:30 гача бўлиб ўтади. астаналиклар сайёра келажаги учун қайғуриш белгиси сифатида белгиланган вақтда чироқ ва маиший электр жиҳозларини ўчириб, унга қўшилишга даъват этилади.
“Ер соати” ҳар йили Бутунжаҳон ёввойи табиат фонди (WWF) ҳомийлигида ўтказиладиган халқаро тадбир бўлиб, унда бутун дунёдан 2 миллиарддан ортиқ киши иштирок этади. Акциядан мақсад табиат ва сайёрамиз ресурсларига масъулият билан муносабатда бўлиш зарурлигига эътиборни қаратишдир.
Астанада акция давлат идоралари ва унга қарашли ташкилотлар билан бир қаторда савдо-кўнгилочар марказлар, йирик спорт мажмуалари ва тадбиркорлик субъектлари томонидан қўллаб-қувватланади.
