ЕОИИнинг озиқ-овқат қўшимчалари бўйича техник регламенти ўзгартирилди

MOSKVA. Kazinform – Евроосиё иқтисодий комиссиясининг (ЕИК) Москвада бўлиб ўтган навбатдаги йиғилиши якунларига кўра, «Озиқ-овқат қўшимчалари, ароматизаторлар, технологик аксессуарларга қўйиладиган хавфсизлик талаблари» техник регламентига ўзгартиришлар киритилди. Бу ҳақда ЕИК расмий вакили Ия Малкина брифингда маълум қилди, дея хабар беради Kazinform мухбири.

«Ўзгартиришлар ҚР Соғлиқни сақлаш вазирлиги томонидан ушбу соҳадаги халқаро қонунчиликка киритилган ўзгартиришлар асосида тайёрланган. Ҳужжатда техник жиҳатдан тартибга солишнинг 5 та бўлими ва унга 29 та илова фаол жорий этилиши кўзда тутилган», - деди И.Малкина.

Ўзгартиришлар қуйидаги тартибда киритилиши керак:

- Рухсат этилган озиқ-овқат қўшимчалари рўйхатидан 19 та кераксиз турни чиқариб ташлаш ва қўшимча 6 тасини киритиш;

- Фермент препаратлари ва зираворлар рўйхатини кенгайтириш;

- Айрим озиқ-овқат қўшимчаларидан фойдаланиш ҳолатларини тўғрилаш, айрим озиқ-овқат маҳсулотларининг номларини замонавий талаблар асосида таҳрирлаш кўзда тутилган.

«Ўзгартиришлар расман эълон қилинганидан кейин 180 календарь кун ичида кучга киради», - дея тушунтирди ЕИК расмий вакили.

Шунингдек, мазкур ўзгартиришларни амалга ошириш тартиби тўғрисидаги Ҳайъат қарори лойиҳаси тайёрланди. Унга кўра, янги ўзгаришларга босқичма-босқич ўтиш учун 18 ой ва маркалаш талабларига ўтиш учун 36 ой муддат белгиланди. Ҳужжат тегишли равишда кўриб чиқилади.

Мажилиснинг Қозоғистон томонини ҚР Бош вазири ўринбосари – ҚР Савдо ва интеграция вазири Серик Жуманғарин бошқарди.

Муаллиф: Наринбек Исмағулов