ЕОИИга аъзо бошқа давлатлар ҳудудида давлат харидларида иштирок этиш соддалаштирилади
ASTANA. Kazinform – Бугун ҚР Парламенти Сенатининг ялпи мажлисида “Давлат харидлари пайтида банк кафолатларини ўзаро тан олиш тўғрисидаги битимни ратификация қилиш ҳақида”ги қонун маъқулланди.
Қонуннинг мақсади Евроосиё иқтисодий иттифоқига аъзо давлатлар ўртасида банк кафолатларини ўзаро тан олиш учун ҳуқуқий асос яратишдан иборат. Бу ЕОИИга аъзо бошқа давлатлар ҳудудида етказиб берувчиларнинг давлат харидларида иштирокини осонлаштириш ва соддалаштириш имконини беради.
«Қонуннинг асосий вазифалари ЕОИИга аъзо давлатлар ўртасида имзоланган Битимни бир давлат резидент банклари томонидан ЕОИИга аъзо бошқа давлатнинг давлат харидларида иштирок этиш учун берилган банк кафолатларидан фойдаланишни таъминлайдиган ҳуқуқий нормаларни белгилаш орқали амалга оширишдан иборат. Қонунда бундай кафолатларни тақдим этиши мумкин бўлган банкларга қўйиладиган талаблар, шунингдек, банк кафолатлари реестрини юритиш механизмлари белгилаб берилган», – дейилади Сенатнинг Молия ва бюджет қўмитаси ахборотида.
Шартномани ратификация қилиш ЕОИИга аъзо бир давлатнинг потенциал етказиб берувчиларига бошқа аъзо давлатда ўтказиладиган давлат харидларида қатнашиш учун тўсиқларсиз фойдаланиш имконини беради, шунингдек, давлат харидлари соҳасида узоқ муддатли ва доимий асосда ҳамкорликни мустаҳкамлаш имконини беради.
