ЕОИИ мамлакатларида қурилиш ишлари ҳажми ошди

ASTANA. Kazinform – 2023 йил январь-июнь ойларида Евроосиё иқтисодий иттифоқида амалга оширилган қурилиш ишлари ҳажми ўтган йилнинг шу даврига нисбатан 9,7 фоизга ошиб, қарийб 6,3 триллион Россия рублини ташкил этди. Бу ҳақда Kazinform Евроосиё иқтисодий комиссияси матбуот хизматига таяниб хабар беради.

Ўсиш барча ЕОИИ мамлакатларида кузатилди: Арманистонда – 48,9 фоизга, Беларусда – 12,1 фоизга, Қозоғистонда – 12,3 фоизга, Қирғизистонда – 22,9 фоизга, Россияда – 9,2 фоизга.

2023 йил январь-июнь ойларида ЕОИИ ҳудудида уй-жойларни фойдаланишга топшириш ҳажми 2022 йилнинг мос даврига нисбатан 0,3 фоизга ошди. Шу билан бирга, Арманистонда (72,2 фоизга) ва Қозоғистонда (11,8 фоизга) ўсиш кузатилди. ЕОИИда жами 61,9 миллион квадрат метр уй-жой фойдаланишга топширилди.