ЕОИИ мамлакатлари илмий даражаларни ўзаро тан олишга келишиб олдилар

ASTANA. Kazinform – Евроосиё иқтисодий иттифоқи доирасида умумий меҳнат бозорини ривожлантириш ва ишчиларни ишга жойлаштириш тартиб-таомилларини соддалаштириш мақсадида ЕОИИга аъзо давлатлар илмий даражалар бўйича ҳужжатларни ўзаро тан олиш тўғрисидаги битим лойиҳасини ишлаб чиқди, деб хабар беради Kazinform.

ҚР Савдо ва интеграция вазирлиги маълумотларига кўра, келишув илмий даража эгаларига ЕОИИ мамлакатларида миллий қонунчиликка мувофиқ ҳужжатларни тан олиш тартиб-қоидаларидан ўтмаслик имконини беради, бу эса ишга жойлашиш тартибини сезиларли даражада соддалаштиради, вақт ва молиявий харажатларни камайтиради.

Эслатиб ўтамиз, келишув доирасида фалсафа доктори (PhD), касб-ҳунар доктори, фан номзоди ва фан доктори илмий даражалари бўйича ҳужжатларни ўзаро тан олиш режалаштирилган.

Шундай қилиб, Қозоғистон илмий даражалари эгалари ЕОИИ мамлакатларида ортиқча бюрократик расмиятчиликларсиз профессионал фаолиятни амалга оширишлари мумкин. Шунингдек, бу Қозоғистонга малакали кадрлар келишини рағбатлантириш имконини беради, бу эса Қозоғистон Республикаси университетларининг профессор-ўқитувчилар таркибини мустаҳкамлашга қўшимча туртки беради.

ЕОИИ давлатлари келишувни 2023 йилнинг иккинчи чорагида имзолашни режалаштирмоқда.