Энди Ўзбекистонда сохта ўқитувчилар жаримага тортилади
Ўзбекистон Олий Мажлиси палаталари матбуот хизмати хабарига кўра, ёшлар онги ва маданиятига салбий таъсир кўрсатувчи ғояларни тарғиб қилиш орқали маърифий фаолият билан шуғулланаётганлар сони ортиб бормоқда. Бу, ўз навбатида, қонунчиликни такомиллаштиришни тақозо этади.
Шу муносабат билан “Таълим тўғрисида”ги қонунга қўшимчалар киритилиб, жавобгарлик Маъмурий жавобгарлик кодекси билан белгиланади.
Хусусан, таълим фаолияти билан шуғулланиш ҳуқуқига эга бўлмаган шахс қонун ҳужжатларига эътибор бермай, шу йўналишда фаолиятини давом эттирса, жисмоний шахс 5 дан 10 тагача (64 минг тенгедан 129 минг тенгегача) базавий ҳисоб-китоб миқдорида жаримага тортилади.
Бундай хатти-ҳаракатларга йўл қўйган мансабдор шахслар 10 дан 15 тагача базавий ҳисоб-китоб миқдорида (129 минг тенгедан 193 минг тенгегача) жаримага тортилади.
Маъмурий жазо қўлланилиб, кейинчалик ҳуқуқбузарлик такрор содир этилган бўлса, жисмоний шахсларга 10-15 бараваригача, мансабдор шахсларга эса 15-20 бараваригача миқдорда жарима солинади.
