Энди футбол ўйинларида кўк карточка кўрсатилади

Футболда янги кўк карточка пайдо бўлади. Бу ҳақда The Telegraph ёзди, деб хабар беради Каzinform.

Агар футболчи кўк карточка олса, у 10 дақиқага майдондан четлатилади. Агар ўйинчига иккита кўк карточка ёки сариқ ва кўк карточкалар комбинацияси кўрсатилса, бу ўз-ўзидан қизил карточкага айланади.

Ҳозирча янги қоида аёллар ва ўсмирлар футболи, шунингдек, қуйи лига мусобақаларида синовдан ўтказилади. Шу билан бирга, Англия футбол ассоциацияси бу қоидани кейинги мавсумда ўз мусобақаларида жорий этиш ниятида.

Дастлаб ҳакамлар билан ҳаддан ташқари тортишган ва тактик қоидабузарликларга йўл қўйган футболчилар учун кўрсатиладиган картани тўқ сариқ рангга бўяш таклиф этилган. Бироқ, кейинчалик у бошқа карталарнинг рангларига - сариқ ва қизил рангга ўхшамаслиги учун уни кўк рангга бўяшга қарор қилинди.

Бугун, 9 февраль куни футбол ўйини қоидаларини бошқарадиган ва тартибга солувчи Халқаро футбол ассоциацияси кенгаши (IFAB) янги карточканинг қачон синовдан ўтказилиши ҳақида маълумот беради.