Ёмғир, момақалдироқ: чоршанба учун об-ҳаво маълумоти

ASTANA. Kazinform – 21 июнда Қозоғистон ҳудудининг катта қисми атмосфера фронтал қисмлари таъсирида бўлади. Шу сабабли ёмғир ва момақалдироқ давом этади. Республиканинг шимоли, шарқи, жануби-шарқи ва марказида – дўл, довул, кўп жойларда кучли шамол ҳукм суради. Жануби-шарқ, жануби-ғарбий ва шимоли-шарқда ҳам чанг бўрони кутилади, дея хабар беради Kazinform Қазгидрометга таяниб.

Бундан ташқари, Туркистон, Жамбил, Манғистау, Шарқий Қозоғистон, Абай вилоятларида, Қизилўрда вилоятининг ғарби ва шарқида, Павлодар вилояти марказида, Атирау вилоятининг шимоли ва шарқида, Улитау вилоятининг жанубида, Қарағанди вилоятининг жанубида ва марказида, Қостанай вилоятининг жанубий ярмида жуда юқори ёнғин хавфи сақланиб қолади.

Ғарбий Қозоғистон вилояти маркази ва жануби-шарқида, Алмати, Жетису вилоятларининг аксарият қисмида, Ақтўбе вилоятининг жануби-шарқида юқори ёнғин хавфи кутилмоқда.