ЕMA COVID-19 вакциналарининг учинчи компонентини тасдиқлади

AMSTERDAM. EURONEWS- Kazinform - Европа дори-дармонлар агентлиги (European Medicines Agency-ЕМA) 18 ёшдан ошган беморлар учун «кучайтирувчи» деб номланган учинчи эмлаш компонентини қўллашни маъқуллади, деб хабар беради Kazinform Euronews телеканалига таяниб.

Улар, шунингдек, иккинчи инъекциядан камида олти ой ўтгач, жиддий касалликларга чалинган одамларга Pfizer ва Moderna вакциналари билан коронавирусга қарши учинчи марта эмланиш зарурлигини тасдиқладилар. Иммунитети заиф одамларга иккинчи эмлашдан кейин камида 28 кундан кейин қайта эмлаш тавсия этилади.

Энди ЕМA тавсияномалари тасдиқлаш учун Европа комиссиясига, сўнгра аъзо 27 мамлакатнинг соғлиқни сақлаш органларига юборилади. Қизиғи шундаки, баъзи мамлакатларда ревакцинация аллақачон бошланган.

Жаҳон соғлиқни сақлаш ташкилоти раҳбари, бой мамлакатларни бу йил «кучайтирувчи» компонентларни ишлатмасликка чақириб, эмлаш зарурлигини тасдиқловчи илмий далиллар йўқлигини айтди. Унинг сўзларига кўра, COVID-19 вакциналари кўпчилик ҳали ҳам биринчи компонент билан эмланмаган ривожланаётган мамлакатларда энг яхши қўлланилади.

Пандемия бошланганидан бери дунё бўйлаб 4,800,375 киши COVID-19 қурбонига айланди.