Елена Рибакинанинг WТА рейтингидаги янги позицияси маълум бўлди

Аёллар теннис ассоциацияси (WТА) спортчилар рейтингининг янгиланган версиясини тақдим этди, дея хабар беради Kazinform агентлиги Sports.kzга таяниб.

Дунёнинг биринчи ракеткаси польшалик Ига Швентек бўлиб қоляпти. Иккинчи ўринда беларуслик Арина Соболенко, Қозоғистон вакили Елена Рибакина учинчи поғонага кўтарилди. Тўртинчи ўринни америкалик Кори Гауфф эгаллади.

Эслатиб ўтамиз, бир кун аввал Рибакина Австралиянинг Брисбен шаҳрида ўтказилган WТА 500 турнирида финалда Соболенкани мағлуб этиб, ғолиб бўлганди.