16:30, 16 Январ 2023 | GMT +6
Елена Рибакина Австралия очиқ чемпионатини ғалаба билан бошлади
ASTANА. Кazinform – Қозоғистоннинг биринчи, жаҳоннинг 25-теннисчиси Елена Рибакина Портороздаги Австралия очиқ чемпионатини ғалаба билан бошлади, деб хабар беради Кazinform мухбири.
Ушбу «Катта дубулға» турнирининг 22-ракеткаси сифатида рўйхатдан ўтган Е.Рибакина биринчи даврада дунё рейтингида 48-ўринни эгаллаб турган италиялик Элизабетта Коччаретто билан учрашди.
Бунгача рақиблар бир мартадан ўзаро баҳс олиб боришган ва қозоғистонлик теннисчи ғалаба қозонган.
Бу сафар ҳам Елена Рибакина 7:5, 6:3 ҳисобида зафар қучди.
Бир соат 20 дақиқа давом этган баҳсда Елена 5 та эйс амалга оширди ва 12 та брейк-пойнтнинг 5 тасидан фойдалана олди. Рақиб 2 та эйс ва 3 та брейк билан чекланди.
Е.Рибакина келгуси босқичга чиқиш учун дунёнинг 104-ракеткасидан словениялик Кайя Йуван ёки рейтингда 185-ўринни эгаллаб турган франциялик Селена Яничиевич билан куч синашади.
Муаллиф: Ғайсағали Сейтақ