Электрон сигареталар инсон саломатлиги учун қанчалик хавфли
Спикернинг сўзларига кўра, электрон сигарет, буғ генератори, вапорайзер ёки вейп - бу юқори дисперсли аэрозол ҳосил қилувчи қурилма.
«Буғ махсус суюқликдан ҳосил бўлади ва қиздирилганда буғланади. Ташқи шакли ҳам сигаретага, ҳам электрон чекиш трубасига ўхшаш бўлиши мумкин. Инглиз тилидан таржима қилинган «vapor» сўзи «буғ», «vape» сўзи эса «буғни тортиш (нафас олиш)» деган маънони англатади. Вейп ишлаб чиқарувчилари ўз маҳсулотлари инсон танаси учун мутлақо хавфсиз эканлигини таъкидлайдилар. Бироқ, амалда электрон сигареталар оддий сигаретлар каби соғлиқ учун зарарли. Унинг таркибида никотин пропилен гликол мавжуд. Шунга кўра, бу тамаки маҳсулоти дейиш мумкин», – дейди шифокор.
Вейп ичидаги хушбўй суюқлик 100% кимёвий моддалар, яъни этиленгликоль, пропиленгликоль ва глицерин, шунингдек, никотиндан иборат.
«Бундан ташқари, суюқлик таркибида никель ва қўрғошин каби оғир металлар бор бўлиб, улар чекиш ёки буғланиш орқали инсон танасига кириб, инсоннинг марказий, нафас олиш, эндокрин, овқат ҳазм қилиш ва юрак-қон томир тизимларига зарар етказади, миокард инфаркти ва инсульт хавфини оширади. Суюқликдаги никотин гиёҳвандликка олиб келади ва саратон касаллигини келтириб чиқариши мумкин. Бугунги кунда ушбу маҳсулотнинг ватани ҳисобланган АҚШнинг Сан-Франциско тумани ҳам бундай суюқликлардан бош тортди.
Фуқаролар ва ёшларга электрон сигареталар ва вейпдан воз кечишни тавсия қиламиз. Ахир, гўзал қобиқ ва ширин таъм ортида инсон саломатлигига ўта зарарли бўлган турли хил кимёвий моддалар бор», – деди Алмати шаҳар санитария-эпидемиология назорати бошқармаси бошлиғи ўринбосари Гауҳар Каткенова.
Муаллиф: Думан Арғингелди
