Елдос Сметов кўтарилган шоҳсупага бизнинг полвонлар ҳам чиқишни исташмоқда - бош мураббий Юрий Мельниченко
PARIS. Kazinform - Франция пойтахти Парижда бўлиб ўтаётган Олимпия ўйинларининг юнон-рум кураши бўйича Демеу Жадираев 77 кг вазнда финалга чиқди.
Мусобақадан сўнг юнон-рум кураши терма жамоаси бош мураббийи Юрий Мельниченко Кazinform мухбирига эксклюзив интервью бериб, бугунги ўйинлар ҳақида гапириб берди.
“Париж Олимпиадасининг биринчи кунида Елдос Сметовнинг дзюдо бўйича олтин медални қўлга киритгани бошқа спортчиларга ҳам катта куч ва юксак руҳ бағишлади. Юнон-рум курашчиларимиз Елдос чиққан Олимпиаданинг энг юқори шоҳсупасига кўтарилиш учун бор имкониятларини ишга солмоқда. Демеунинг бугунги фидокорлиги, кўплаб кучли спортчичиларни мағлуб этиб, финалга чиқишига Елдоснинг олтин медали катта таъсир кўрсатди”, - деди бош мураббий.
Шунингдек, Демеу Жадираевда финалда чемпион бўлиш имконияти борлигини таъкидлади.
“Айтганча, навбатда - финал. Жадираев номусли йигит. У Олимпиадага катта тайёргарлик билан келган. Ҳозир яхши формада. Энди омади кулиб боқса, чемпионлик унвони узоқ эмас. Бу Демеу учун охирги, энг катта имконият, бундай вазият такрорланмайди”, - деди Юрий Мельниченко.
Эслатиб ўтамиз, Демеу Жадираев Парижда бўлиб ўтаётган Олимпиада ўйинларида юнон-рум кураши бўйича 77 кг вазнда финалга чиққан илк қозоғистонлик полвон бўлди.
