Эквадорда Британия фахрий консули ўғирлаб кетилди

Эквадор
Фото: pixabay

Британиянинг Гуаякилдаги фахрий консули Колин Армстронг Эквадорда ўғирлаб кетилди, деб хабар беради Kazinform ТАSSга таяниб.

Агентлик маълумотларига кўра, одам ўғирлаш шанба куни эрталаб Лос-Риос провинциясида содир бўлган.

Бу ҳақда Эквадор полицияси Х ижтимоий тармоғида (собиқ Twitter) ёзган.

“Бугун эрталаб Лос-Риосда тадбиркорга қарши содир этилган жиноят юзасидан Эквадор полициясининг ихтисослаштирилган бўлинмалари шошилинч текширув ўтказмоқда”, — дейилади хабарда.

Полиция берган маълумотларга кўра, консул билан бирга яна бир киши ўғирлаб кетилган.

Сўнгги хабарлар