ЕИ билан алоқалар хомашё доирасидан чиқади, Того билан ҳамкорлик ва янги транспорт йўлаги – жаҳон ОАВлари Қозоғистон ҳақида нималарни ёзди

ЕИ билан алоқалар хомашё доирасидан чиқади, Того билан ҳамкорлик ва янги транспорт йўлаги – жаҳон ОАВлари Қозоғистон ҳақида нималарни ёзди
Коллаж: Kazinform /kmg.kz/flagcolorcodes.com

Жорий ҳафтада хорижий ОАВда Қозоғистон ва Европа Иттифоқи ўртасидаги муносабатлар хомашё доирасидан ташқарига чиқиши, Того билан стратегик ҳамкорликни ривожлантириш, янги транспорт йўлаги бўйича келишув ҳақида қатор мақолалар чоп этилди. Бу ҳақда батафсил Каzinform эксперти шарҳида ўқинг.

Euroactiv: Европа Иттифоқи ва Қозоғистон нефть муносабатлари доирасидан чиқади

Брюсселдаги Euroactiv агентлиги Қозоғистон ва Европа Иттифоқи энг муҳим хомашёни ишлаб чиқариш ва қайта ишлаш бўйича ҳамкорликни кучайтиради, деб хабар берди. Тадбир доирасида Қозоғистон ва Европа Иттифоқи кам углеродли энергияга ўтишда, шунингдек, турли соҳаларда, жумладан қайта тикланадиган энергия, рақамли технологиялар ва соғлиқни сақлашда муҳим аҳамиятга эга хомашё соҳасида ўзаро манфаатли ҳамкорликни ривожлантириш ниятларини тасдиқладилар.

Қозоғистон Республикаси Саноат ва қурилиш вазири Қанат Шарлапаевнинг айтишича, яшил энергетикани ривожлантириш учун Европа мамлакатларига 34 та нодир металлар зарур, улардан 18 таси Қозоғистонда ишлаб чиқарилади. Euroactiv таъкидлаганидек, Европарламент аъзоси, Польшанинг собиқ ташқи ишлар вазири Владимир Cимосевичнинг фикрича, Қозоғистон Европа Иттифоқи учун муҳим материалларни йирик ишлаб чиқарувчи ва етказиб берувчи сифатида "Янги яшил йўналиш" каби йирик лойиҳаларни амалга оширишда жуда муҳим рол ўйнайди.

“Бу минераллар электроника ва қайта тикланадиган энергия технологиялари каби турли маҳсулотларни ишлаб чиқариш учун зарурдир. Улар иқтисодий аҳамияти, юқори таъминот занжири хатарлари ва стратегик тармоқларга потенциал таъсири туфайли муҳим ҳисобланади, бу эса Қозоғистонни Европа Иттифоқининг яшил ва рақамли ўтишнинг асосий етказиб берувчисига айлантиради”, - дейилади мақолада.

Эслатиб ўтамиз, Европа Иттифоқи Қозоғистоннинг энг йирик савдо шериги ҳисобланади.

Anadolu: Хитой-Қозоғистон-Туркманистон-Эрон: янги йўлак Астана ва Ашхобод томонидан биргаликда ишлаб чиқилади

Anadolu агентлигининг хабар беришича, Ашхободда бўлиб ўтган Қозоғистон-Туркманистон қўшма ишчи гуруҳининг транспорт, транзит ва логистикани ривожлантириш бўйича биринчи йиғилиши якунлари бўйича “Хитой-Қозоғистон-Туркманистон-Эрон” коридорини ривожлантириш юзасидан келишув имзоланган.

“Ишчи гуруҳ темир йўл транспорти соҳасида мослашувчан ва рақобатбардош тариф сиёсатини шакллантириш бўйича олиб борилаётган ҳамкорликдаги ишларни ижобий баҳолади ва келгусида ҳам бу борадаги ишларни давом эттиришга келишиб олди”, — дейилади мақолада.

Томонлар транспорт коммуникациялари бўйича протокол ва меморандум имзоладилар. Меморандум икки давлат ўртасида темир йўл ва денгиз транспорти соҳасидаги ҳамкорликни кенгайтиришга қаратилган. Хусусан, икки давлат ҳудудларида юк ташиш ҳажмини ошириш, жумладан, қулай тариф шароитларини яратиш, инфратузилмани ривожлантиришни мувофиқлаштириш бўйича қўшма чора-тадбирлар кўриш, ўзаро ахборот алмашиш учун рақамли ечимларни жорий этиш нияти билдирилди.

Trend.az: Қозоғистон ва Того президентлари кенгайтирилган таркибда музокара ўтказди

Trend нашрининг хабар беришича, Того Қозоғистон билан савдо-иқтисодий, тоғ-кон саноати, қишлоқ хўжалиги, транспорт ва рақамлаштириш соҳаларида ҳамкорликни кенгайтиришдан манфаатдор. Бу ҳақда Того президенти Фор Эссозимна Гнассингбе Қозоғистон Президенти Қасим-Жомарт Тоқаев билан учрашувда маълум қилди.

“Қозоғистон ва Того стратегик шерик бўлиш салоҳиятига эга. Қозоғистоннинг иқтисодий салоҳияти жуда катта. Ҳар томонлама муносабатларни йўлга қўйиш бўйича музокараларимиз томонларнинг ҳамкорликни чуқурлаштириш истагини яққол кўрсатди”, — дея Того президентининг сўзларидан иқтибос келтиради Trend.az.

Қозоғистон Президенти Қасим-Жомарт Тоқаев икки давлат ўртасидаги масофа узоқ бўлишига қарамай, уларнинг ўхшаш жиҳатлари кўп эканини, хусусан, кўп конфессияли ва кўп миллатли таркиби билан ажралиб туришини таъкидлади.

Қозоғистон Президенти ўзаро савдони ривожлантириш ва ишбилармон гуруҳлар ўртасидаги алоқаларни мустаҳкамлаш муҳимлигини таъкидлаб, Қозоғистоннинг Тогодаги Фахрий консули лавозимига муносиб номзодни аниқлашни таклиф қилди. Давлат раҳбарининг фикрича, бундай қадам икки мамлакат ўртасидаги В2В алоқаларини ривожлантиришга хизмат қилади.

Xinhua: Хитой Қозоғистон билан институционал ҳамкорликни кенгайтиришга ваъда берди

Xinhua агентлигининг қайд этишича, Хитой Қозоғистон билан ҳамкорлик бўйича қўмита институционал платформаси ролини ошириш ва ўзаро манфаатли ҳамкорликка янги суръат бағишлаш учун қуйи қўмиталар ўртасидаги алмашинув ва алоқаларни кучайтириш устида ишлашга тайёр. Бу ҳақда Хитой Халқ Республикаси Давлат кенгаши бош вазири ўринбосари Дин Сюэсян Қозоғистон Бош вазирининг биринчи ўринбосари Роман Скляр иштирокида Астанада бўлиб ўтган Хитой-Қозоғистон ҳамкорлик қўмитасининг 11-йиғилишида маълум қилди.

Ўз навбатида, ХХР Давлат кенгаши Бош вазирининг ўринбосари Дин Сюэсян Қозоғистон томонининг ташаббусларини қўллаб-қувватлади ва Хитой Халқ Республикаси илгари эришилган ва янги келишувларни амалга ошириш учун фаол ишлашга тайёр эканлигини таъкидлади.

“Икки давлат ўртасидаги муносабатлар ҳар томонлама стратегик шериклик даражасига кўтарилди. Жорий йилда Қозоғистон Президенти Қасим-Жомарт Тоқаев Хитойга икки марта ташриф буюрди. Икки давлат раҳбарларининг учрашувлари жуда мазмунли бўлди. Бизнинг вазифамиз эришилган барча келишувларни амалга оширишдан иборат”, — деди Хитой Халқ Республикаси Давлат кенгаши Бош вазири ўринбосари Дин Сюэсян.

Роман Скляр ва Дин Сюэсян иштирокида ўзаро маданий марказлар ташкил этиш тўғрисидаги ҳукуматлараро битим, шунингдек, Қозоғистон Республикаси Қишлоқ хўжалиги вазирлиги ва Хитой Халқ Республикаси Бош божхона бошқармаси ўртасида Қозоғистондан янги қаттиқ мевали экинларнинг экспорт партиялари учун фитосанитария талаблари тўғрисидаги келишув бўйича ишчи баённомаси имзоланди. Шунингдек, учрашув якунида томонлар якуний баённомани имзоладилар ва Қозоғистон-Хитой ҳамкорлик қўмитасининг 12-йиғилишини 2025 йилда Хитой ҳудудида ўтказишга келишиб олдилар.

Reuters: Каспий қувурлари консорциуми Қора денгиз терминалида нефть жўнатишини тиклади

Reuters агентлиги Қозоғистон хом нефтининг асосий экспорт йўналиши бўлган Каспий қувури консорциумининг денгиз терминалида нефтни қайта юклаш Қора денгиздаги бўрон огоҳлантириши сабабли бир ҳафтага тўхтатилганини хабар қилди.

Ҳозирда денгиз терминалида нефтни ташиш ВПУ-1 ва ВПУ-2 қурилмалари орқали мунтазам равишда амалга оширилмоқда.

Wam.ae: AD Ports Group Қозоғистонда юк ташиш хизматларини иккита янги нефть танкери билан кенгайтиради

Wam.ae араб ахборот агентлигининг хабар беришича, халқаро денгиз савдо портига янги танкерлар келтирилди. Танкерлар “КазМунайГаз” миллий компанияси аксиядорлик жамияти ва Abu Dhabi Ports Group ҳамкорлиги доирасида харид қилинган. Янги танкерлар «Қазақтеңізкөлікфлоты» жамияти ва International Maritime Investments Ltd қўшма корхонасига тегишли.

Ахборот агентлиги маълумотларига кўра, Каспий денгизининг саёз сувлари учун махсус ишлаб чиқилган ва халқаро нефть компанияларининг қатъий талабларига жавоб берадиган иккита кеманинг умумий қиймати 35 миллион долларни ташкил этади. Шунингдек, кемалар инерт газ тизимлари билан жиҳозлангани хавфсизлик ва замонавий стандартларга мувофиқлигини таъминлашда муҳим қадам бўлди.

Сўнгги хабарлар