eGovда васий ва ҳомийларнинг мақомини текшириш хизмати ишга туширилди
ASTANА. Кazinform – eGov.kz порталида васийлик ва ҳомийлик тўғрисидаги маълумотномаларни сўраш имконини берувчи янги рақамли хизмат ишга туширилди. Мазкур хизмат етим ва ота-она қарамоғисиз қолган болаларнинг васийлари тўғрисидаги маълумотларни олиш жараёнини соддалаштиради.
Хизмат фойдаланувчиларга давлат органлари ва ваколатли шахслар учун васийлик мақомини онлайн тарзда тасдиқлаш имконини беради. Маълумотнома олиш учун васий томонидан тасдиқланиши керак бўлган сўров юбориш кифоя. Барча маълумотлар давлат маълумотлар базаларидан автоматик тарзда юклаб олинади, бу жараённинг тезлиги ва шаффофлигини таъминлайди.
Хизматдан фойдаланиш учун:
- eGov.kz порталига кириш ва “Фуқароларга” – “Транспорт ва коммуникациялар” – “Коммуникациялар” бўлимига ўтиш керак;
- "Учинчи томоннинг маълумотномаларни олиш хизмати" бўлимини танлаб, "Онлайн сўров" тугмасини босиш керак;
- ШИРни киритиб, “Васийлик ва ҳомийлик тўғрисида маълумотнома бериш” хизматини танлаш керак;
- керакли бандларни тўлдириб, ҳудудни танлаш ва "Сўров юбориш" тугмасини босиш керак.
Шундан сўнг, васий сўровни тасдиқлаш учун 1414 рақамидан SМS-хабар олади. Бундан ташқари, eGov.kz порталидаги фойдаланувчининг шахсий кабинетида сўров тўғрисидаги билдиришнома кўрсатилади. Хавфсизлик ва махфийликни таъминлаш учун жараён билдиришнома олингандан кейин икки соат ичида якунланади.
Агар васий сўровни тасдиқласа, маълумотнома аризачининг шахсий кабинетида "Хизмат тарихи" бўлимида мавжуд бўлади. Агар васий сўровни рад этса, сабаб ҳолат саҳифасида кўрсатилади ва шахсий кабинетнинг "Кириш" бўлимида тегишли хабар пайдо бўлади.
Янги хизмат ҚР Рақамли ривожланиш, инновациялар ва аэрокосмик саноат вазирлигининг Давлат хизматлари қўмитаси, “Миллий ахборот технологиялари” АЖ ва Қозоғистон Республикаси Таълим-маориф вазирлигининг биргаликдаги фаолияти туфайли амалга оширилди.
