Дзюдо: Астана Париж Олимпиадаси учун очколарни тақсимлаш бўйича якуний мусобақага мезбонлик қилади
ASTANA. Kazinform – Астанадаги Жақсилиқ Ушкемпиров жанговар саройида дзюдо бўйича Париж Олимпиадаси учун очколарни тақсимловчи сўнгги жаҳон Qazaqstan Barysy Grand Slam турнири бўлиб ўтади.
Мусобақа 10-12 май кунларига белгиланган.
Бу галги мусобақада дунёнинг етакчи давлатлари Япония, Жанубий Корея, Франция каби 60 дан ортиқ давлатдан спортчилар рўйхатдан ўтган.
Эслатиб ўтамиз, мазкур мусобақа якунида IJF қоидаларига кўра, Жаҳон ва Олимпия ўйинлари рейтингидаги очколар ғолиб ва совриндорлари ўртасида тақсимланади.
Хусусан, І ўрин учун 1000, ІІ ўрин учун 700, ІІІ ўрин учун 500 балл ҳисоблаб чиқилади.
Қозоғистон дзюдо федерацияси ва Халқаро дзюдо федерацияси (IJF) ўртасидаги икки томонлама келишувга кўра, Қозоғистон 2026 йилгача Grand Slam туркумига кирувчи жаҳон мусобақасига мезбонлик қилади.
Эътиборлиси, ушбу мусобақа 2024 йилги Париж Олимпиадаси учун рейтинг очколарини тақдим этадиган Grand Slam туркумидаги сўнгги мусобақа бўлади.
Мусобақа дастури:
10 май
Аёллар: -48 кг, -52 кг, -57 кг
Эркаклар: -60 кг, -66 кг
11 май
Аёллар: -63 кг, -70 кг
Эркаклар: -73 кг, -81 кг
12 май
Аёллар: -78 кг, +78 кг
Эркаклар: -90 кг, -100 кг, +100 кг.
