Душанба кунигача Ғазода ўт очишни тўхтатишга умид қиламиз - Байден
ASTANA. Kazinform - АҚШ президенти Жо Байден душанба кунигача Ғазода ўт очишни тўхтатиш бўйича Исроил ва ХАМАС ўртасида келишувга эришилишига умид билдирди, дея хабар беради Кazinform мухбири.
- Миллий хавфсизлик бўйича маслаҳатчимнинг айтишича, биз [келишувга] жуда яқинмиз, лекин ҳали бунга эриша олмадик. Умид қиламанки, келгуси душанбага қадар сулҳ бўлади, - деди душанба куни Америка президенти Нью-Йоркда журналистлар саволларига жавоб берар экан.
Байденнинг баёноти Исроил ОАВлари Исроил ҳарбий делегацияси интенсив музокаралар учун Қатарга учиб кетгани ҳақида хабар берганидан кейин янграган.
Миср, Қатар ва АҚШ воситачилигида олиб борилган музокаралар Исроил ва Фаластиннинг ХАМАС гуруҳи ўртасидаги жангларда олти ҳафталик танаффусга эришиш, эвазига ўнлаб исроиллик гаровга олинганларни озод қилиш эвазига Исроил қамоқхоналаридан юзлаб фаластинлик маҳбусларни озод этишни мақсад қилган.
Бундан ташқари, келишув БМТ маълумотларига кўра, 2,3 миллионга яқин одам очарчилик ёқасида турган Ғазо сектори аҳолисига ёрдам жўнатиш имконини беради.
Бир кун аввал Жо Байден Исроил мусулмонлар учун муқаддас Рамазон ойида Ғазо секторида ҳарбий амалиётларда қатнашмасликка рози бўлганини айтиб, анклавда фаластинликларнинг оммавий ўлими фонида яҳудий давлати халқаро ҳамжамият томонидан қўллаб-қувватланмаслик хавфи борлигини таъкидлаган эди.
АҚШ президентининг айтишича, можаронинг ҳар икки томони ўртасида ўт очишни тўхтатиш ва гаровга олинганларни озод қилиш бўйича принципиал келишув мавжуд.
- Рамазон яқинлашмоқда ва исроилликлар билан келишувга эришилди, улар Рамазон ойида барча гаровга олинганларни озод қилиш бўйича бизга вақт бериш учун ҳеч қандай фаолият билан шуғулланмайдилар, - деди у.
Мусулмонларнинг 2024 йилги муқаддас Рамазон ойи 2024 йил 10 март оқшомида бошланиб, 2024 йил 9 апрель оқшомида тугаши кутилмоқда.
