Дунёдаги энг тезкор суперкар ким ошди савдосига қўйилди
2022 йилги Bugatti Chiron Super Sport 300+ суперкари атиги 30 та моделдан иборат чекланган моделга киради. Бу автомобиль соатига 490 километрдан ортиқ тезликка эриша олади, дея хабар беради Кazinform агентлиги euronews.cоmга таяниб.
Ушбу тезликни контекстга қўядиган бўлсак, дунёдаги энг катта йўловчи самолёти Airbus A 380 850 дан ортиқ кишига мўлжалланган бўлиб, тахминан 300 км/соат тезликда учишини эслашимиз мумкин.
2019 йилда Франция-Италия ҳашаматли спорт автомобиллари ишлаб чиқарувчиси ўзининг 110 йиллигини «Ле-Ман»нинг собиқ ғолиби Энди Уоллес янги прототипни рекорд тезликда муваффақиятли ҳайдаш билан нишонлади.
Ушбу ажойиб муваффақиятдан сўнг, Bugatti Chiron Super Sport 300+ деб номланган чекланган миқдордаги автомобиль чиқарилди.
Ҳашаматли автомобиль турбокомпрессорли 8 литрли ва 1577 от кучига эга двигатель билан жиҳозланган. Таққослаш учун, Volkswagen Polo 95 та от кучига эга.
30 та моделдан атиги 8 таси АҚШга етиб келди ва улардан бири биринчи марта кимошди савдосига қўйилади.
Автомобил Американинг Bonhams Cars компанияси томонидан ким ошди савдосида тақдим этилади ва 25 январь куни АҚШнинг Аризона штати Скотсдейл шаҳрида тахминан 5 – 5,5 миллион долларга (4,56 – 5,2 миллион евро) сотилади.
1936 йилда ишлаб чиқарилган Bugatti Type 57 Atalante Sunroof Coupe шу куни Bonhams Cars томонидан ким ошди савдосига қўйилади.
