2024 йилдаги энг серқатнов аэропортлар рейтинги эълон қилинди

2024 йилда дунёдаги энг серқатнов аэропортлар рейтинги эълон қилинди. Бу рейтинга кўра, Атланта Ҳартсфилд-Жексон халқаро аэропорти (АҚШ) дунёдаги энг серқатнов аэропорт сифатида биринчи ўринни сақлаб қолди.
аэропорт
Фото: pixabay.com

Авиапассажирлар оқимини таҳлил қиладиган OAG компаниясининг маълумотларига кўра, Атланта аэропортида йўловчилар оқими ўтган йилга нисбатан 2 фоизга ошди ва бу ерда 62,74 миллион йўловчига хизмат кўрсатилди. Бироқ, бу кўрсаткич 2019 йилга нисбатан 1 фоизга кам бўлган.

Иккинчи ўринни эгаллаган Дубай халқаро аэропорти (БАА) 2023 йилга нисбатан 7 фоизга, 2019 йилга нисбатан эса 12 фоизга ошиб, 60,24 миллион йўловчига хизмат кўрсатди.

Учинчи ўринни эса Токио Ханедда халқаро аэропорти (Япония) эгаллади. Бу аэропортда йўловчи оқими 2023 йилга нисбатан 5 фоизга, 2019 йилга нисбатан эса 1 фоизга ошиб, 55,2 миллион йўловчига етди.

2024 йилда дунёдаги энг серқатнов аэропортлар рейтингида аниқ ўзгаришлар кузатилмади. Рейтингнинг биринчи олти позицияси ўтган йилга ўхшаб қолди. Бироқ, Хитойнинг аэропортлари ўз натижаларини сезиларли даражада яхшилашга муваффақ бўлди.

Хусусан, Хитойда пандемия чекловлари 2023 йил январь ойида бекор қилинганидан кейин, Гуангжоу-Байюн халқаро аэропорти ўнинчи ўрнидан еттинчи ўрнига кўтарилиб, йўловчи оқимини 2023 йилга нисбатан 12 фоизга, 2019 йилга нисбатан эса 9 фоизга ошириб, 48,85 миллионга етди. Шунингдек, Шанхай Пудун халқаро аэропорти 2023 йилга нисбатан 29 фоизга, 2019 йилга нисбатан эса 3 фоизга ошиб, 15-ўриндан 9-ўринга кўтарилди.

2024 йилдаги дунёдаги энг серқатнов 10 та аэропортнинг рейтинги:

  • Атланта Ҳартсфилд-Жексон халқаро аэропорти (АҚШ);
  • Дубай халқаро аэропорти (БАА);
  • Токио Ханедда халқаро аэропорти (Япония);
  • Лондон Хитроу халқаро аэропорти (Буюк Британия);
  • Даллас/Форт-Уэрт халқаро аэропорти (АҚШ);
  • Денвер халқаро аэропорти (АҚШ);
  • Гуангжоу-Байюн халқаро аэропорти (Хитой);
  • Истанбул халқаро аэропорти (Туркия);
  • Шанхай Пудун халқаро аэропорти (Хитой);
  • Чикаго Ўҳара халқаро аэропорти (АҚШ).
Сўнгги хабарлар