Дунёдаги энг кекса одам Буюк Британияда яшайди

ASTANA.Kazinform – Буюк Британиянинг Мерсисайд графствосида яшовчи Жон Тиннисвуд дунёдаги энг кекса одамга айланди, деб хабар беради ВВС.

5 апрел куни 111 ёшу 223 кунлик бўлган чол ўзининг узоқ умр кўришини жума кунлари анъанавий британиялик балиқ ва чипс таомини истеъмол қилгани ва мунтазам сайрга чиққани билан боғлади.

Тиннисвуд ҳозир Саутпортдаги қариялар уйида яшайди. У "ақлни машқ қилдириш" ва ҳамма нарсанинг "чегараси бўлиши керак" деб маслаҳат беради.

Ер юзидаги аввалги энг кекса одам венесуэлалик Хуан Висенте Перес Мора сешанба куни 114 ёшида вафот этди.

"Ливерпуль" футбол клуби мухлиси Тиннисвуд 1912 йил 26 августда Саутпортда туғилган.

У рафиқаси Блодвен билан Иккинчи жаҳон уруши пайтида танишган ва 1942 йилда турмуш қурган.

Тиннисвуд 1972 йилда нафақага чиқишдан олдин Royal Mail, Shell ва ВР каби йирик компанияларда ишлаган.

4 апрель куни унга Гиннеснинг рекордлар китоби сертификати топширилди.