Дунёда энг оммалашган автомобиль ранги аниқланди

2024 йилда дунёда қайси рангдаги автомобиллар энг кенг тарқалгани маълум бўлди. Сўнгги йилларда автоҳаваскорларнинг танлови ўзгариб, турли хил, айниқса, жозибадор ранглар оммалашмоқда, деб ёзди Motor1 сайти.

Оқ — ҳамон энг кенг тарқалган автомобил ранги бўлиб қолмоқда, жаҳонда шу рангдаги машиналарнинг улуши 34 фоизни ташкил этади.

Қора ранг — иккинчи (22 фоиз), кулранг — учинчи ўринда (17 фоиз). Шу билан бирга, яшил, сариқ ва бинафшаранг каби жозибали ранглар урфга кирмоқда.

Ранглар минтақаларга қараб фарқ қилади. Европада оқ-сариқ рангдаги автомобиллар кенг тарқалган, АҚШда — кулранг, Жанубий-Шарқий Осиёда эса қора рангли машиналар кўпаймоқда.

2024 йилда дунёда энг оммалашган автомобиль ранглари:

1. Оқ — 34 фоиз
2. Қора — 22 фоиз
3. Кулранг — 17 фоиз
4. Кўк — 7 фоиз
5. Қизил — 4 фоиз
6. Яшил — 2 фоиз
7. Сариқ — 1,5 фоиз
8. Жигарранг — 1 фоиз
9. Қаймоқранг — 1 фоиз
10. Бинафшаранг — 1 фоиз.