Дунёдаги велосипедчилар учун энг қулай 10 та шаҳар

ASTANA. Kazinform – Дунё бўйлаб ҳукуматлар карбонат ангидрид гази чиқиндиларини камайтиришга ҳаракат қиляпти, шаҳарлар эса одамларнинг машинадан тушиб, велосипедга ўтишлари учун қулайроқ бўлиб боряпти. Global Bicycle Cities Indexнинг кейинги тадқиқоти велосипед инфратузилмаси ривожланган мамлакатларнинг аксарияти Европада эканлигини аниқлади, деб хабар беради Kazinform.

Дунё бўйлаб 90 та шаҳар олтита параметр бўйича таҳлил қилинди.

Булар: велосипедлар сони, об-ҳаво, жиноятчилик ва хавфсизлик даражалари (масалан, автоҳалокатлар ва велосипед ўғирлаш), инфратузилма сифати, велосипед ижараси ва машинасиз кунлар каби махсус тадбирлар қанчалик тез-тез содир бўлиши.

Бу юналишда Европа шаҳарлари етакчилик қилади, чунки уларда яхши велосипед йўллари ва об-ҳаво велосипедда юриш учун қулай бўлган йилнинг кўп кунлари бор.

Америка Қўшма Штатларининг биронта ҳам шаҳри топ 20 таликка кирмаган.

Фақат Сан-Франциско (39-ўрин), Портленд (41-ўрин), Сиэтл (50-ўрин), Вашингтон (53-ўрин), Лос-Анжелес (57-ўрин), Бостон (61-ўрин — қизиғи, Лондондан атиги бир поғона олдинда), Нью-Йорк (67), Чикаго (71) ва Детройт (72) кучли 90 таликка киради.

Велосипед учун қулай 10 та шаҳар:

1. Утрехт, Нидерландия

2. Мюнстер, Германия

3. Антверпен, Бельгия

4. Копенгаген, Дания

5. Амстердам, Нидерландия

6. Мальмё, Швеция

7. Ханчжоу, Хитой

8. Берн, Швейтсария

9. Бремен, Германия

10. Ганновер, Германия

Бристоль шаҳри Британия шаҳарлари орасида энг яхши кўрсаткичга эга. Велосипед ўғирлаш жиноятларининг камлиги ва яхши ривожланган велосипед йўлаклари тармоғи туфайли у 15-ўринни эгаллади.

Франция кучли 10 таликка киритилмаган бўлса-да, Страсбург 11, Бордо 12 ўринни эгаллади.