Дунёдаги энг қадимий Қуръонлардан бири Лувр музейида намойиш этилади

PARIS. Kazinform – Лувр музейидаги кўргазмага дунёдаги энг қадимий Қуръонлардан бири - VIII асрда ёзилган Катта Лонгар Қуръони қўйилади. Бу ҳақда Kazinform «Anadolu» агентлигига таяниб хабар беради.

Қадимий Қуръон «Ўзбекистон воҳалари хазиналари. Карвон йўллари чорраҳасида» деб номланган кўргазма доирасида Луврда илк бор намойиш этилади.

Кўргазма 24 ноябридан келаси йилнинг 6 мартигача очиқ бўлади. Бу ерда девор расмлари, саройларнинг ўйилган қисмлари, декоратив санъат ва ҳунармандчилик каби турли артефактлар жойлаштирилган.

Жами 168 та музей экспонати: Ўзбекистоннинг 13 та музейидан 137 та буюм эрамиздан аввалги V–VI асрларни, яъни Темурийлар давригача бўлган даврни қамраб олади. Шунингдек, дунёнинг етакчи музейларига тегишли 31 та буюм намойиш этилади.

Эслатиб ўтамиз, Ўзбекистонда VIII асрга оид Қуръон китобини қайта тиклаш ишлари якунланиб, реставрациядан сўнг оммага тақдим этилган эди. Илмий изланишларга кўра, Қуръон китоби Ўзбекистон Қашқадарё вилояти, Қамашин тумани, Лангар ота масжидида узоқ вақтдан бери сақланган. Маданият ва санъатни ривожлантириш жамғармаси ҳамда Ўзбекистон мусулмонлари диний бошқармаси ҳамкорлигида ташкил этилган лойиҳага Франциянинг машҳур Лувр музейи мутахассислари сафарбар этилган.