Дунёда коронавирус билан касалланганлар сони 250 миллиондан ошди

GENEVA. Kazinform - Дунёда SARS-CоV-2 коронавирусининг тасдиқланган ҳолатлари сони 250 миллиондан, вафот этганлар сони эса 5,05 миллиондан ошди. Бу ҳақда Кazinform Жаҳон соғлиқни сақлаш ташкилоти (ЖССТ) маълумотига таяниб хабар беради.

ЖССТ маълумотларига кўра, 9 ноябр ҳолатига кўра, 250 154 972 киши коронавирус билан касалланган ва 5 054 267 бемор вафот этган. Касалланганлар сони кунига 370 007 кишига, вафот этганлар сони еса 6 183 нафарга етди.

ЖССТ томонидан тасдиқланган инфекция ҳолатларининг аксарияти АҚШда қайд этилган - 46 193 234, Ҳиндистонда - 34 377 113 та ва Бразилияда -21 880 439 та.

Энг кўп ўлим ҳолатлари AҚШда қайд этилган – 748 615 бемор, Бразилияда - 609 447 та ва Ҳиндистонда - 461 389 та.