Дубайда дунёдаги энг катта Рубик кубиги қурилди

БААнинг улкан ҳайкалтарошлик инсталяцияси Гиннеснинг рекордлар китобига киритилди, деб хабар беради Каzinform агентлиги Аzertagга таяниб.

Олий ўқув юртлари, касб-ҳунар академиялари ва ўқув марказлари жойлашган эркин зона маркази бўлган Dubai Knowledge Park ўзининг 20 йиллигини нишонлади ва “Дунёдаги энг катта Рубик кубиги” бўйича Гиннеснинг рекордлар китобига кирди.

Аzertagнинг хорижий ОАВларга таяниб хабар беришича, инсталяция ҳар бирининг баландлиги деярли бир метр бўлган 21 шиша толали кублардан иборат. Ҳайкалнинг оғирлиги 300 килограммдан ортиқ, умумий ўлчамлари 3х3х3 м.

2003 йилда очилганидан бери Dubai Knowledge Park 700 дан ортиқ маҳаллий, минтақавий ва халқаро та]лим муассасаларига эга бўлиб, 170 дан ортиқ мамлакатдан иқтидорли талабаларга хизмат кўрсатади.

2022-2023 йилларда Бирлашган Араб Амирликлари 123 та жаҳон рекордини янгилади, улардан 12 таси 2024 йилги Гиннеснинг рекордлар китобига киритилган.

Биринчи рекорд дронлар ёрдамида яратилган энг катта QR кодга тегишли. 3 мингдан ортиқ дрон тунги осмонни ёритиб, ақл бовар қилмайдиган ажойиб манзара яратди. Рас-ал-Хаймада яна иккитаси ўрнатилди: биринчиси, бир вақтнинг ўзида 671 та дрон осмонга кўтарилгани учун, бу ўтган йилга нисбатан 150 тага кўпдир, иккинчиси эса масофадан бошқариладиган учувчисиз аппаратлар томонидан яратилган энг катта ҳарфлар учун.