Доналд Трампга тўртта жиноий иш қўзғатилган

WASHINGTON. Кazinform - Капитолийда ўтган йилги тартибсизликларни тергов қилиш қўмитаси бир овоздан АҚШ Адлия вазирлиги томонидан Доналд Трампга қарши жиноий иш қўзғатишга овоз берди, деб хабар беради Кazinform мухбири BBCга таяниб.

18 ойлик терговдан сўнг, Вакиллар Палатасининг Танлов қўмитаси душанба кунги якуний йиғилишида Дональд Трампга тўртта айблов тавсия қилди: фитнани қўзғатиш, қасос олиш ва унга ёрдам бериш; расмий иш юритишга тўсқинлик қилиш; Қўшма Штатларни алдаш учун фитна; ёлғон баёнот қилиш учун фитна.

Ўз навбатида, Дональд Трамп ҳар қандай ҳуқуқбузарликни инкор этиб, ҳайъатни «кенгуру суди» деб атайди (эслатма: инглизча идиома адолатсиз суд, кенгуру каби сакраб ўтадиган тез жараён деган маънони англатади).

Адлия вазирлиги матбуот котиби душанба куни комиссиянинг эълон қилинган хулосасига изоҳ беришдан бош тортди. АҚШ собиқ президентини айблаш масаласини кўриб чиқаётган прокурорлар Конгресс қўмитаси тавсияларига амал қилишлари шарт эмас.

Юзлаб саҳифаларни ўз ичига олган тўлиқ ҳисобот чоршанба куни эълон қилинади. Капитолийдаги тартибсизликларда 900 дан ортиқ одам айбланган.

Фото: wоrdpress.cоm

Муаллиф: Рустем Қожибаев